САНАДЕР ОД СУДОТ ВО ЗАГРЕБ ОДНЕСЕН НА КЛИНИКАТА „РЕБРО“

-Се извинувам поради тоа што на себе немам костум. Ми беше речено дека ќе ме водат во болница. Со овие зборови поранешниот хрватски премиер Иво Санадер му се обрати на судот во Загреб на почетокот од судскиот процес против него.

Потоа судијата го ислуша судскиот вештак и поради проблеми со срцето кои ги имал Санадер во притворот, дозволи тој да биде одведен во клиниката „Ребро“. Новото рочиште е закажано за 3 и 4 ноември.

Тој ќе биде хоспитализиран неколку дена, доколку лекарите проценат дали е потребно да се изврши коронографија.

Санадер се товари за воено профитерство, бидејќи за време на војната во 1994 и 1995 година издејствувал провизија од 3,61 милион куни (483 илјади евра) од заемот на Хипо банка.