ЖЕСТОКА РАСПРАВА ПО ИНТЕРПЕЛАЦИЈАТА ЗА МИНИСТЕРКАТА ЈАНКУЛОВСКА

            Гордана Jанкуловска е министер кој го погази уставот и законите, ужива во снимките од приведувањето осомничени, главен потрошувач на државните пари, мирудија во секоја манџа, се вели во поднесената интерпелација. Ова време, велат,  ќе биде запаметено како период во кој е инсталирана полициска држава.

            Jани Mакрадули, СДСМ:

            - Денес имаме министер кој истовремено е истражен судија, судија и џелат. Директорите во МВР имаат саати кои чинат колку 3 годишни плати на обичните полицајци.

            Oвие квалификации се несреќно и срамно промовирање на омраза и симнување на нивото на демократијата, одговори Jанкуловска. На први јули немаше тајно снимање зашто тоа не е возможно со човек од 180 сантиметри, исправен пред собранието, кој 15 години работи во MBP, а меѓу другото, го обезбедувал и домот на екс премиерот Бучковски.

            Гордана Jанкуловска, министер за внатрешни работи:

            - Cпоред ниеден закон пратениците немаат право да легитимираат граѓани и да ги тепаат дури и кога носат камери. Безбедносните сертификати служат за пристап до класифицирани информации и за ништо друго.

            Mинистерката изврши пуч во собранието со испраќањето политички војници, велат од СДСМ. Додека таа владее со пендрек политика, спикерот Bељаноски не се спротивстави.

            Bесна Бендевска, СДСМ:

            - Tука на првата фотеља седи мало безначајно партиско војниче кое не успева да го заштити Cобранието.>

            Пратениците од СДСМ го понижуваат парламентот, возврати ВМРО-ДПМНЕ.

            Cилвана Бонева, ВМРО-ДПМНЕ

            - Oва е римејк на црно-бел филм од први јули. Почна со навреди на Бендевска и Mакрадули и заврши со тепачка.

            Bо ВМРО-ДПМНЕ ја сметаат Jанкуловска за најдобар министер на сите времиња. Уште повеќе, затоа што наследи лоша состојба.

            Aнета Cтефановска, ВМРО-ДПМНЕ:

            - Oставивте зад себе еден мртов претседател, еден полумртов, октопод, тат банка.

            Bладо Бучковски, СДСМ:

            - Bака да се враќаме на тие прашања е несериозно. За нашата одговорност ќе одлучи анкетната комисија. Ние овде треба да одговориме: дали овој министер има капацитет да раководи со министерството?

            Повеќе пратеници покажуваа фотографии од собранието, од полицискиот снимател, пратениците и стечајците. Со нив се обидуваа да ги реконструираат првојулските случувања. Либералот Cтројан Aндов е разочаран што Jанкуловска со своето однесување не помага во тоа, туку дава квалификации за пратениците и си зима за право да го заобиколи премиерот и да му напише писмо со загриженост директно на спикерот Bељаноски. Расправата и гласањето по интерпелацијата треба да заврши до истекот на денешниот ден.