Македонија

25.07.2010

СЛУЧАЈОТ НА ФАРМЕРОТ ИЛИЕВСКИ ЈА ЗАСЕНИ СРЕДБАТА ВО ТРНОВО

slika

Случајот со битолскиот фармер Душко Илиевски го засени одржувањето на триестата јубилејна Семакедонска погранична средба во потпелистерското село Трново. Пратениците од Социјалдемократскиот сојуз Јани Макрадули и Весна Бендевска ја искористија можноста уште еднаш да ја искажат својата поддршка за битолскиот фармер, кој веќе десетина дена заедно со неговиот брат и татко е во притвор, а успеаја и да го привлечат вниманието на присутните, седнати во првиот ред, облечени во маици со слогани за поддршка и ликот на Душко.   „Сакавме да му демонстрираме на премиерот Груевски дека во Македонија победува храброста и пркосот и правдата“, рече Јани Макрадули од СДСМ.   Премиерот Никола Груевски реагираше дека опозицијата со ваквите апели врши терор врз институциите за ослободување на притворениот Илиевски.   „Жалам што СДСМ врши притисок врз институциите и тие не може да работат според еден закон за едни а според друг за други луѓе.“   Груевски,обраќајќи се на средбата на етничките Македонци од соседните и прекуокеанските земји, се осврна на евроатлантските интеграции, и додаде дека пречка на патот кон ЕУ и НАТО не смее да биде самосвеста на Македонците.  Им порача на македонските здруженија да бидат обединети и да  продолжат со активностите за зачувување на културниот и националниот идентитет.   „Нека постои обединувачки дух меѓу разните македонски здруженија. Разликите нека се решаваат со разговор, а помирувањето нека биде крајна цел.“, рече премиерот.    Етничките Македонци потенцираа дека се противат на грчката дискриминаторска политика и рекоа дека за нив е неприфатливо да се промени уставното име на земјата. Побараа и тие да се вклучат во референдумот за одбрана на името.    „Ако има референдум, бараме да гласаат и иселениците кои живеат надвор од земјата“ потенцираше Александар Поповски, претседател на Заедницата на организациите на етничките Македонци протерани од Грција. Средбата под мотото „Вечна да е Македонија“, по Трново продолжи на граничниот премин Меџитлија.

[ Ана Алибегова ]

ОСТАНАТИ СОДРЖИНИ ОД Македонија

слика РАБОТНИЦИТЕ НА „КОЛСКА“ ПРОТЕСТИРАA ПРЕД ВЛАДАТА
Работниците на фабриката за шински возила „Колска“ од Велес денеска протестираа пред зградата на Владата со барање за исплата на заостанатите плати и решавање на статусот на фабриката чиј сопственик е државата. Владата ветува плата до петок,  но не е јасно што ќе се...
слика ДЕСЕТ ПЛОТУНИ ПО ПОВОД ДЕНОТ НА НЕЗАВИСНОСТА
По повод денот на независноста - 8 Септември, денеска во касарната „Илинден“ во Скопје беше извршена стрелба со 10 плотуни од 12 артилериски орудија. Вечерва, по повод празникот, свечен прием во Собранието на Македонија организира претседателот на парламентот Трајко...
слика КИЗОВ НОВ ПРЕТСЕДАТЕЛ НА СОВЕТ НА ЈАВНИ ОБВИНИТЕЛИ
Константин Кизов е избран за нов претседател на Советот на јавни обвинители. Кизов најави решававње на финансиските проблеми на јавните обвинителства, како и надминување на проблемот со многу малиот одзив на конкурсите за прием на обвинители од срана на дипломирани лица...
слика ОСОМНИЧЕНО ЛИЦЕ ЗА УБИСТВОТО НА КИЧЕВЧАНКАТА КРСТЕСКА
 Кичевската полиција приведе едно лице осомничено за убиството на 75-годишната кичевчанка, Верица Крстеска. Под сомение дека е сторител на убиството, вчера попладне е приведено машко лице на возраст од околу 55 години....
слика ШТРАЈК ВО „КОЛСКА“ - ЗАПРЕН ВОЗНИОТ РЕД
Вo изминатите десет години сите раководства на Фабриката за шински возила „Колска“ од Велес работеле на нејзиното уништување, обвинија денеска вработените. Револтирани поради состојбите го блокираа возот Велес - Скопје со барање до Владата, како сопственик на Фабриката,...
слика „АКАДЕМИЈА ИТАЛИЈАНА“ ВЕЌЕ БЕШЕ ЗАТВОРЕНА
Министерството за образование не ја затвори привремено Академија Италијана, туку академијата самоиницијативно го стори тоа претходно, при крајот на академската година, објаснува поранешната директорка на Академија Италијана, Јасмина Митева. Додава дека министерството...