ОДБОЈКА

ПОЛСКА И БРАЗИЛ ВО ФИНАЛЕТО НА СВЕТСКОТО ПРВЕНСТВО

21 September, 2014 - 11:52

Бразил и домаќинот Полска ќе играат во финалето на Светското првенство во одбојка, откако двете репрезентации беа поуспешни од своите ривали во полуфиналните мечеви.
 
Бразил во драматичен и неизвесен меч ја победи Франција со 3-2. 
По убедливите 25:18 во првиот сет за „кариоките“, Французите го добија вториот сет со 25:23. Со истиот резултат Бразил поведе со 2-1 добивајќи го третиот сет. Франција повторно изедначи по 25:22 во четвртиот сет. Решавачкиот петти сет му припадна на актуелниот светски првак со 15:12.
 
Во второто полуфинале синоќа Полска со 3-1 беше поуспешна од Германија. По сетови 26:24, 28:26, 23:25 и 25:21.
 
Финалето ќе се игра вечерва од  20 часот и 25 минути, а претходно, од 16 часот и 40 минути е натпреварот за третото место меѓу Франција и Германија. 

Веста е прочитана 192 пати

Copyright 2015 Телевизија Телма. Сите права се задржани. Текстов не смее да се печати или емитува, во целина или во делови, без договор со Телевизија Телма.