ПОЖАР ВО ХОТЕЛ ВО ПРАГА, НЕМА ПОВРЕДЕНИ УЧЕНИЦИ ОД СКОПЈЕ

8 April, 2014 - 11:02

Седумдесет гости, меѓу кои и ученици од Македонија ноќеска по полноќ, поради помал пожар биле евакуирани од хотелот „Топ" во Прага, јави дописникот на МИА. Од Mакедонската амбасада потврдија дека нема повредени граѓани од Македонија.

Според официјалната информација на противпожарната бригада, огнот избувнал на петтиот кат од хотелот, во блокот Б, откако се запалил кревет кој бил сместен во ходникот. Пожарот кој веднаш бил изгасен, зафатил и уништил дел од теписите и ѕидовите во просторијата, а од чадот бил зафатен и шестиот кат од хотелот. Гостите безбедно биле евакуирани уште пред пристигнувањето на противпожарната единица.

Според соопштението на противпожарната служба, на едно лице, вработено во хотелот му било укажана здравствена помош поради вдишување на чад

Веста е прочитана 113 пати

Copyright 2015 Телевизија Телма. Сите права се задржани. Текстов не смее да се печати или емитува, во целина или во делови, без договор со Телевизија Телма.