КОШАРКА

МЗТ ИСПУШТИ ПОБЕДА ВО РУСИЈА

2 November, 2016 - 20:54

Кошаркарите на МЗТ Скопје Аеродром испуштија победа во дуелот од 4. коло од групата А од Еврокупот на гостувањето во Русија кај екипата на Нижни Новгород. Домаќинот славеше триумф со 88:74 по продолжение. Ова за македонскиот првак е трет пораз во ова натпреварување.

Резултат по четвртини: 17:20; 20:15; 14:25; 19:9 и 18:4 (продолжение).

По почетното водство на домашниот тим од 14:5, македонскиот првак направи серија од 14:1 и го презеде водството. На полувремето Нижни Новгород имаше минимална предност (37:35), која во третиот период МЗТ Скопје успеа да ја претвори во водство.

Добрата игра избраниците на тренерот Александар Јончевски ја продолжија и во првите минути од последната четвртина, кога во 34 минута имаа и највисоко водство од 68:57. Но, до крајот на регуларните 40 минути постигнаа само два поена од слободни фрлања и не го реализираа последниот напад. Тоа го искористи руската екипа која се избори за продолжение во кое доминираше и сигна до втората победа во групата.

Најефикасни со по 18 поени беа: Иван Стребков и Кенет Бојтон од Нижни Новгород и Ксавиер Тејмс од МЗТ Скопје.

Веста е прочитана 365 пати

Copyright 2015 Телевизија Телма. Сите права се задржани. Текстов не смее да се печати или емитува, во целина или во делови, без договор со Телевизија Телма.