Вести Македонија Најважни

Обид за убиство во Скопје – траги од крв и штрафцигер биле најдени на местото

На прометна улица и во близина на детско игралиште, а на само неколку километри од центарот на Скопје. На оваа локација, 33-годишен скопјанец бил пресретнат од група од петмина напаѓачи.

Го нападнале со тврд и остар предмет.

Напаѓачите не ги поколебало ниту тоа што на оваа раздвижена улица голема е веројатноста да има бројни сведоци на нападот.

Повредениот со возило на Итната медицинска помош бил пренесен во Клинички центар „Мајка Тереза“.

„Единицата за насилен криминал при Секторот за внатрешни работи Скопје поднесе кривична пријава против пет лица за настан којшто се случил на осми март околу 19 часот на територија на Бит Пазар, кога овие пет лица нападнале 33-годишен скопјанец со тврд и остар предмет и му нанеле тешки телесни повреди“ изјави Тони Ангеловски, портпарол на МВР.

Трагите веќе ги нема, но службеници на МВР извршиле дополнително пребарување на лице место. Подигнат е примерок за анализа од трага слична на крв, како штрафцигер со сина рачка.

Во просториите на Единицата за насилен криминал, вчера е извршен разговор со четворица од напаѓачите и направени се службени белешки.

Според последните информации од полицијата, уапсен е и петтиот напаѓач кој беше недостапен за органите на прогонот. Судија на претходна постапка, за двајца од напаѓачите определи мерка притвор во времетраење од 30 дена, а двајца добија мерка домашен притвор. 

Од полицијата информираат дека во координација со обвинителството е поднесена кривична пријава за делото „Убиство во обид“, против сите пет лица.

Петар Догов

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани соджини

Полицијата ги проверува базните станици и телефоните на родителите на исчезнатото девојче во Србија

Дејан Дејан

Путин: Нема да го нападнеме НАТО, но ќе ги соборуваме ловците Ф-16 во Украина

Дејан Дејан

Војската на САД уништи дронови на Хутите од Јемен

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе