Стивен Содерберг ќе снима филм за „Панамските документи“

12 July, 2016 - 10:48

Американскиот филмски режисер, продуцент и сценарист, Стивен Содерберг ќе снима филм посветен на аферата „Панамски документи“, која разотрки голем број политичари, славни личности и криминалци, кои користеле офшор компании за перење и прикривање пари.

Сценариото за филмот ќе биде изработено врз основа на книгата „Secrecy World“ на добитникот на Пулицеровата награда, Џек Бернштајн.

Бернштај беше еден од новинарите на Меѓународниот конзорциум на истражувачки новинари кои ја открија аферата и најави дека во неговата книга ќе обелодени и досега непознати детали.

„Панамските документи“ содржат 11,5 милиони документи на адвокатската компанија „Мосак Фонсека“ од Панама, во кои се споменуваат и имињата на 12 актуелни и поранешни светски лидери, 128 политичари, милијардери, славни личности и спортски ѕвезди.

Содерберг во 2000 година добир Оскар за режија на филмот „Шверц“, а во 1989 година Златна палма за филмот „Секс, лаги и видеоленти“.

Славниот режисер ги потпиша и хитовите „Ерин Броковиц“, како и „Единаестмината на Оушн“ и две негови продолженија. 

Веста е прочитана 255 пати

Copyright 2015 Телевизија Телма. Сите права се задржани. Текстов не смее да се печати или емитува, во целина или во делови, без договор со Телевизија Телма.